115.000

Urtarrilaren 12a. ???Chica, ¿porqué hay tanta gente hoy en Bilbao???? esan dio Corte Inglesetik irten berri den emakume batek beste bati. Bigarrenak erantzun: ???Chica, ¡porque han empezado las rebajas!???.

Giza eskubideen aldeko pausuak eman ziren joan den zapatuan, Bilbon. Betiko aurpegi eta erakundeez gain, bazen martxara estreinakoz gehitu ziren bakan batzuk. Ez, ez ziren erosketetan joan (ez arratsaldean behintzat). Ez zuten errepidea espaloiarekin konfunditu. Ez zen kasualitatea izan 115.000 bururen norabidea berdina izatea.

Corte Inglesetik irtendako bi emakumeei pare bat gauza esango nizkien. Adibidez, bildutako jendetza hark, ez zituela zapata berriak nahi, betiko bidean jarduteko. Ez zutela kamiseta berririk erosi nahi, maite dituztenengatik izerdia alferrik botatzeko. Ez zutela beroki berririk nahi, bakardadearen hotza ekiditeko.

???Rebajetan??? joandako 115.000 pertsona haiek nazkatuta zeudela betikoak erosteaz, eta betikoa saltokietan ikusteaz. Nazkatuta zeudela, indarrak behin eta berriro xahutzeaz. Urtarrilean, urtero, aurreko urteetako koloreak ikusteaz nazkatu direla. Hurbiltasuna nahi zutela. Erosi gabe. Senide eta lagunen hurbiltasuna, eta askoren askatasuna. Hori da nahi zutena.

Askok jarraituko dute ignorantziaren itzalpean. Jakin badakit, mila aldiz azaldu arren, zein litzatekeen bi emakume haien erantzuna: ???pues mira chico, eso pregúntale al dependiente, que lo sabrá mejor que nosotras???.

Gauzak aldatzen ez diren bitartean, urtarrilero, armairu asko arropa berriz beteko dira. Baina sukalde askok eta ohe askok, hutsik jarraituko dute. Bilbok jendez eztanda egin arren, hotz izaten jarraituko dugu, negua izan ez arren. Urratsak nahi dutugu, denonak. Aurten kriseilua piztuta mantendu dugu. Nahiko lituzke 115.000 erosle El Corte Inglesek! Baina ez da beragatik izan, ???chicas???.