Muntsaratzen emango den ‘Luis eta estralurtarrak’ pelikularekin hasiko da gaur ‘Udako zinea’ ekimena

Abadiñoko Udaleko Kultura eta Berdintasuna arloek antolatutako ‘Udako zinea’ ekimena hasiko da gaur bertan Muntsaratz auzoan emango den ‘Luis eta estralurtarrak’ euskarazko filmarekin.

Ekainaren 28an ospatzen den LGTBI Harrotasunaren Nazioarteko Egunaren harira antolatutako ekimena abiatzeko pelikula, estralurtar dibertigarriak protagonista diren marrazki bizidunen filma da. 12 urte dituen Luisek, denbora asko pasatzen du bakarrik eta bere etxean jausten diren hiru estralurtarrekin adiskidetuko da.

Ekimen honetako bigarren ekitaldia uztailaren 15ean izango da Zeletabe plazan, ‘Dantza’ filma pantailaratuz. Telmo Esnalek zuzendutako pelikulak Euskal Herriko folklorean dauden dantza mota desberdinen berri ematen du, dokumentua eta eszenifikazioaz baliatuta.

‘Udako zinea’ ekimena Arantxa Etxebarriaren ‘Carmen y Lola’ filmaren emanaldiaren amaituko da uztailaren 22an. Traña-Matienako plazan emango den filma honek bi neska ijitoren arteko maitasun harremana jartzen du agerian. Proiekzio horren helburua da harreman afektibo-sexualen aniztasuna ikusaraztea.

Hiru filmak 22:00etan emango dira eta euria egiten badu, probalekuan proiektatuko dira ‘Luis eta estralurtarrak’ zein ‘Dantza’ filmak eta ‘Carmen eta Lola’ berriz, Matienako eskoletako aterpean.