Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

Miren Amurizak Berrizko saioa irabazi zuen eta Bilboko finalean kantatzeko txartela lortu zuen

MirenAmurizaBerrizkoSaioa
Miren Amurizak irabazi zuen Berrizko finalaurrekoa eta Aitor Bizkarra hirugarrena izan zen. (Argazkia: bertsozale.eus)

Miren Amuriza bertsolari berriztarra abenduaren 15ean Bilbao Arenan jokatuko den Bizkaiko Bertsolari Txapelketaren finalean egongo da, atzo Berrizko frontoian izandako lehenengo finalaurrekoa irabazi eta gero. Saioan aritu zen Aitor Bizkarra abadiñarra hirugarren postuan sailkatu zen.

Puntu gehien lortu zituen Amurizak bere herriko pilotalekuan izan zen finalaurrekoan, nahiz eta lehiari hasiera eman zion zortziko nagusian ofiziotan eskainitako bertsoekin puntu gutxien lortu zituen partaidea izan zen. Lehen ariketa horretan 97 puntu bereganatu zituen berriztarrak.

Hortik aurrera egin beharreko beste lau ariketetan gailendu zen atzoko irabazlea. Guztira 515,5 puntu bereganatu zituen eta finalean egoteko txartela lortu ere.

Bizkarra, hirugarren

Aitor Bizkarrak saio txukuna egin zuen eta hirugarren postuan sailkatu zen. Abadiñarrak ondo hasi zuen saioa baina ekitaldiko bigarren ariketan, zortziko txikiarenean, puntu gutxien lortu zituen partaidea izan zen. Hortik aurrera gora egin eta 485,5 puntu bildu zituen, Xabat Galletebeitia bigarren sailkatua baino 18 gutxiago.

Bizkarrak Igorren eta Lekeition jokatuko diren beste bi finalerdien ondoren osotuko den azken sailkapenarekin jakingo du Bilboko finalean kantatuko duten zortzi bertsolarien artean egongo den ala ez.

Bigarren kanporaketa datorren domekan jokatuko da Igorreko kiroldegian. Agertokian Beñat Ugartetxea mallabitarra eta Eneko Abasolo ‘Abarkas’ iurretarra izango dira. Malen Amenabar, Nerea Ibarzabal, Oihana Bartra eta Onintza Enbeita izango dira ekitaldiko beste lau partaideak.

Lekeition, abenduaren 1ean jokatuko den azken finalaurrekoan Txaber Altube abadiñarra lehiatuko da. Saioan Ander Elortegi, Arrate Illaro, Etxahun Lekue, Ibon Ajuariagokeaskoa eta Jone Uria ere izango dira.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados