Mikel Urdangarin eta antzerki saioak egongo dira Abadiñon Euskararen Egunaren inguruan

‘Margolaria’ pelikula egongo da ikusgai bihar, 20:00etan, Errota Kultur Etxean.

Abadiñoko Udalak bihar bertan hasi eta abenduaren 3ra arte jarraipena izango duten ekitaldi ugari prestatu ditu Euskararen Egunaren harira, herriko hiru Ikasleen Guraso Elkarteen, Katalamixon Aisialdi Elkartearen eta Astola Igeriketa Taldearen laguntzarekin. Antolatutako ekitaldi soziokulturalen bidez “herritar guztiak euskararen sustapenean inplikatu” nahi dituztela adierazi du Mikel Garaizabal alkate eta Euskara arloko zinegotziak.

Prestatutako egitaraua bihar bertan hasiko da ‘Euskaraz Bizi’ postal lehiaketako sari-banaketarekin, eta ondoren, aurkeztutako lanekin erakusketa irekiko da.

20:00etan, ‘Margolaria’ dokumentala emango da eta jarraian solasaldi musikatua eskainiko dute Oier Aranzabal filmaren zuzendariak eta Mikel Urdangarin abeslari eta dokumentalaren protagonistak. Ikuskizunerako gonbiteak Errotan bertan edo Mediatekan jaso behar dira, eskatzaile bakoitzentzat bi jaso ahal izango dituela.

Ikuskizuna San Salbadorren

Zapatuan, 16:30ean hasita, ‘Merindadeko Batzarra’ ikuskizuna eskainiko dute Abadiñoko Institutuko ikasleek Gerediagako San Salbador ermitan. 19:00etan berriz, Behibi’s Antzerki Talde profesionalak ‘Murren Bidaia’ antzezlana taularatuko du Errota Kultur Etxean. Ikuskizunerako gonbiteak Errotan bertan edo Mediatekan jasoko dira.

Kale antzerkia izango da domekan ere, goizeko 11:00etan hasita ‘Tripaki saltsa’, ‘Oilo ama’ eta ‘Boxers’ obrak antzeztuko baititu Pez Limbo taldeak, San Trokaz elizatik abiatu eta Zelaietako kaleetan zehar. Eskaria egonez gero, bigarren ekitaldi bat ere eskainiko da 12:30ean.

Herri bazkaria egingo da ‘maleta siku’ erara Probalekuan, 14:30ean hasita, eta bertan egoteko txartelak Mediatekan eta Errotan erosi ahal izango dira. Ondoren, bingo musikala egongo da, eta 17:30ean ‘Herri Kirolak’. Eguna borobiltzeko txokolatada eta bizkotxoa dastatzeko aukera egongo da institutuko ikasleek eskainita.

Abadiñon prestatutako egitaraua Euskararen Eguna ospatzen den abenduaren 3ko ekitaldiekin osatuko da. 16:45ean, Abadiñoko Institutuko ‘Bat-bateko’ bertsolaritza taldeko kideen hitzaldia egongo da Matienako frontoian eta 17:00etan ‘Totoro basoa eta jolasak’ ikuskizuna eskainiko du Oliver magoaren konpainiak. Amaitzeko, Matiena Herri Eskolako Ikasleen Guraso Elkarteak antolatutako txokolatada egongo da.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar