Lau jai egunekin ospatuko dituzte Eubako jaiak

Barikutik aurrera Amorebieta-Etxanoko Euba auzoak jaiak ospatuko ditu. Lau egunetan zehar egitarau zabala antolatu dute adin guztietarako ekintzekin, jolasak, txapelketak eta musika tarteko.

Ume, gazte eta helduentzako Zuresku egurrezko jolas tradizionalekin emango zaie hasiera jaiei bihar, arratsaldeko 16.30etan. Iluntzeko 20.30etan mus txapelketa hasiko da; bikote irabazleak 500 euroko saria eskuratuko du eta jarraian sailkatutako beste hiru bikoteen artean beste 500 euro banatuko dituzte.

Zapatuan mozorro eguna izango da eta umeentzako zein nagusientzako bazkaria prestatu dute. Ondoren Xaibor DJ-a egongo da. Iluntzean labeleko hanburgesa eta oilaskoa jateko aukera egongo da eta 22.30etan Xaibor-ek girotutako erromeria hasiko da.

12.00etako ospakizun erlijiosoarekin hasiko dituzte domekako ekitaldiak. Arratsaldeko 16.30etan Iurretako dantzarien saioa iragarrita dago eta ondoren Zornotzako bertsolari eskolako kideen emanaldia hasiko da. Rezikletas Turukutupa taldearen kale-antzerki agerraldiarekin osotuko dira eguneko ekitaldiak.

Astelehena izango da jaietako azken eguna eta egitaraua eguerdiko 12.00etan hasiko da auzoko hildako guztien aldeko mezarekin. Arratsaldeko seietarako hirukoteen arteko briska txapelketa dago antolatuta. Arratsaldean zehar talo, urdai eta txorizo dastatzea egongo da eta jaiei amaiera emateko txokolatea banatuko da.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.