Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

Lau ibilbide izango ditu Elorrioko mendi bizikleta martxak, zortzi urtetik gorako zaleentzako

Igandean izango da Elorrioko Mendi Biziketa Martxa
Igandean izango da Elorrioko Mendi Biziketa Martxa

Elorrioko Mendi-Bizikleta Martxak 17. edizioa ospatuko du datorren igandean, goizeko 10.00etan irtenda, eta aurten hainbat berrikuntza izango ditu. Elorrioko Txirrindulari Elkarteak antolatutako ekimenak ibilbidean egindako aldaketaz gain zortzi urtera arte jaitsi du parte hartzeko gutxiengo adina.

Iazko ediziora arte 16 urtetik gorako txirrindulariei mugatuta zegoen martxa hau, aseguru-etxeak hala behartuta. Aurten aseguruarekiko hitzarmena lotzea lortu dute eta ondorioz 8 eta 16 urte bitarteko zaletuek ere parte hartzeko aukera izango dute.

Gainera, gazteenen izena ematea doakoa izango da. Adin horretatik gorakoek 15 euro ordainduko dituzte eta txirrindularitzan federatutakoentzako inskripzioa berriz 5 eurokoa izango da.

Adin jaitsiera dela eta, 8 eta 12 urte bitartekoentzako bereziki prestatutako 6,5 kilometroko luzera izango duen laugarren ibilbide bat gehitu dute antolatzaileak. Ibilbideak herriko plazan izango du irteera eta helmuga eta partaideek Memaiarantz doan pistaren hasiera egingo dute. Aldatz gogorra hasten den inguruan eskumatara hartuko dute Arriartera joateko, trenbide zaharretik jarraituko dute eta M30etik igaro ondoren plazara helduko dira.

Ibilbide horrek 145 metrotako desnibel positiboa izango du eta indarrak dituztenak bigarren buelta bat emateko aukera izango dute.

13-16 urte bitartekoentzat prestatutako ibilbide laburrak 18,65 kilometrotako luzera izango du eta 838 metrotako desnibel positiboarekin. Memaia mendira doan pista egin eta Besaidera heldu ondoren Elorriorako bidea hartuko da. Aukera hau mendiko bizikletan ibilita dauden gazteentzat gomendatzen dute antolatzaileek.

Ibilbide ertainak 22,6 kilometroko luzera du eta 977 metrotako desnibel positiboa eta ibilbidea luzeak berriz 30 kilometro eta 1312 metrotako desnibel positiboa. Ibilbide biak herriko plazatik irtengo dira eta Memaiako pista hartu eta Besaide igaro ondoren Tellamendiko txabolaraino helduko dira.

Paraje horretatik Aramaiora joango dira ibilbide luzea egite dutenak eta hortik Zabalandira eta Teilamendiko pagaditik zehar berriz Besaidera. Bukatzeko, bidezidor berri batzuetatik Elorriora jaitsiko dira. Ibilbide ertaina egite dutenak ez dira jaitsiko Aramaiora eta Besaidetik Zabalandirantz joango dira.

Antolatzaileak hornidura puntua jarriko dute Besaide inguruan eta amaieran edariak eta jatekoak banatuko dira partaideen artean. Bukaeran hainbat materia zozkatuko da partaideen artean. Gainera bizikletak garbitzeko tokia eta dutxatzeko aukera ere egongo da.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados