Kultura Digitalari buruzko gogoeta egingo dute Plateruenako Zilar Astean

Kultura Digitalari buruzko gogoeta egingo dute Plateruenako Zilar Astean

Durangoko Plateruenak antolatutako seigarren Zilar Asteak Kultura Digitala izango du ardatz. Martxoaren 23tik 27ra bitartean burutuko den ekimen horrek, euskal kulturak sorkuntza digitalean duen presentzia aztertzeko aukera eskainiko du. Egitarauan mahai-inguruak, erakusketak eta berbaldiak tartekatuko dira.

Zilar Asteak iraungo dituen bost egunetan ‘Euskal Herriko sortzaile eta kolektiboen sormen digitalak sarean’ deituriko erakusketa izango da ikusgai, goizez 11.00etatik 13.00etara eta arratsaldez 16.30etatik 19.30etara.

‘Kultura, komunikazioa (komunikabideak) eta Gizartea sarean’ gaiari buruzko mahai-ingurua posmodernoa//Open spacearekin hasiko dira ekitaldiak 25ean, arratsaldeko 19.00etan. Hizketaldian komunikazioa eta sorkuntza arloetan diharduten  Nagore Txintxurreta, Libe Mimenza, Ekaitz Goienetxea eta Maider Larrañaga mintzatuko dira.

Durangoko batxilerdun hezkuntza zentrotako ikasleak izango dira 26 eta 27ko protagonistak, beraientzat antolatu baitira goizeko 10.00etatik 12.00etara burutuko diren ‘Kulturala Digitalean sortzen!’ gaiaren inguruko bi tailerrak.

Zilar Asteko azken egunean, 27an hain zuzen, inprentatik eta tintatik ordenagailura eta biterako jauzia aztertu eta ‘E-rakurleak’ proiektu berritzailearen inguruko berbaldia izango da. Arratsaldeko zazpietan hasiko den solasaldian Euskal Idazleen Elkarteko Goiatz Landibar, Donostiako  Liburutegi zerbitzuko arduraduna eta Durangoko Udal bibliotekako zuzendaria  den Xabier Aranguenak parte hartuko dute.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar