Kriskitin Dantza Taldeak ???Akelarre??? ikuskizuna eskainiko du igandean Mungian

Durangoko Kriskitin Dantza Taldeak udako saioak prestatzen dihardu buru-belarri. Lehenengo hitzordua igandean izango da Mungian. Bertan ‘Akelarre’ ikuskizuna eskainiko dute.

Magiaz beteriko gauan Izenaduba basoan aurkeztuko dute ‘Akelarre’ ikuskizuna 20.30ean. Dantza, musika eta kantuen bidez zirarra sortu nahi dute ikusleengan, “tristurak zein esturak sutan erre eta esperantzari leiho bat zabaltzen ahalegindu”, azpimarratu dute Kriskitinetik.

Elorrioko Balendin Deunaren 25. urteurreneko ospakizunetan izango dira durangarrak. Uztailaren 4an, Euskal Herriko dantza eta musikaz osoturiko ekitalda eskainiko dute plazan, 19.00etatik aurrera.

Segoviara ere joango dira Kriskitinekoak uztailaren 12tik 14ra bitartean. Bertan, Festival XXVI Festival Folclórico Internacional “La Esteva”-n parte hartuko dute. Bertan, bost kontinentetako dantzari eta musikariak izango dira. “Pozgarria da guretzat Euskal Herriaren mezulariak izatea gaztelako lurretan”, azaldu dute.

“Gonbidapenei ezezkoa”

Udako saioei amaiera emateko, Otxandioko Santa Maña jaietan arituko dira uztailaren 21ean. Bertan Euskal Herriko dantza eta musika sorta eskainiko dute.

Kriskitinetik aurreratu dutenez, Murtziatik eta Balear Irletatik heldutako gonbidapenei ezezkoa eman behar izan diote “krisia eta lana direla medio”. “Urrun joatea atsegina den arren, ingurukoen berotasunak ez du gutxiago balio”, esan dute dantza taldetik.

DURANGON. Noticias de Durango