Izen-abizenak euskaraz jartzeko kanpaina abian da

Amorebieta, Abadiño, Berriz eta Zaldibarko Udalek bat egin dute “Apelliduak abizendu” kanpainarekin. Egistamoren helburua izen-abizenak euskarazko grafiaz idaztea da. Horretarako izena euskaratzeko edota euskal abizenak euskarazko grafiaz idazteko egin behar diren urratsen berri ematen duen triptikoa banaduko da. 

Izenaren edota abizenen grafia aldatu euskaraz jartzeko interesa dutenei zuzenduta dago Alkarbidek, Bizkaiko udalerrietako eta mankomunitateen Euskara Zerbitzuen bilguneak koordinatutako eta Aldundiaren laguntzarekin burutu den ekimena.

Horretarako, etxe guztietara helaraziko dute Udalek izenaren edota abizenen grafia aldatu eta euskaraz jartzeko eman beharreko urratsen zein diren azaltzen duen informazio-orria.

Triptikoaren lehen zatian grafia aldatzeko erregistro zibil edo epaitegira hurbildu behar dela azaltzen da eta bertan ematen duten orriarekin batera zeintzuk agiri aurkeztu behar diren. Horrez gain, izena edota abizena zelan geratuko den kontsultatzeko Euskaltzaindiaren web orrian begira daitekeela ere esaten da, argitaratu dute egitasmoaren bultzatzaileak.

Orri horretan, informazioa emateaz gain, besterik jakin nahi izanez gero edota zalantzak argitzeko euskara zerbitzura jo daitekeela ere adierazten da, herritarrei bidea ahalik eta gehien errazteko xedez. Interesa duenak, berriz, Euskaltzaindiaren internet orrian kontsulta dezake bere izenak edo abizenak euskaraz nola idazten diren.

DURANGON. Amorebieta-Etxanoko albisteak