‘ikimilikiliKLIK’ argazki-lehiaketa jarri du martxan Iurretako Udalak

Iurretako Udalak apirilaren 1etik 30era bitartean burutuko den ‘ikimilikiliKLIK’ argazki-lehiaketa antolatuko du. Lehiaketaren bidez aukeratzen diren argazkiak Udalaren 2019ko egutegia osatzeko erabiliko dira.

‘ikimilikiliKLIK’ argazki-lehiaketarekin “herritarrek euskararen alde sortutako mezuak jaso eta zabaldu nahi ditu herrian” Udalaren esanetan. Parte hartzeko beharrezkoa da argazkiak Facebook, Twitter edo Instagramera igotzea #euskaraikimilikiliklik traola erabiliz edo, nahi izanez gero, euskaraikimilikiliklik@gmail.com helbidera bidali.

Lehiaketan parte hartzeko beharrezkoa da talde-argazkia egitea eta bertan, gutxienez, hiru pertsona eta euskararen aldeko mezu bat agertu behar dira. Irudiak bidaltzeko epea apirilaren 30ean amaitzen da eta jasotzen diren argazkiak Iurretako Udalaren 2019ko egutegia osatzeko erabiliko dira, egileak baimena emanez gero.

Bi sari banatuko dira, bata epaimahaiaren saria eta bestea herritarren saria, eta irabazle bakoitzak 100 euroko saria jasoko du talde-bazkaria egiteko La Guipuzcoanan. Lehiaketaren irizpide guztiak betetzen dituzten argazkiena artean, onena aukeratuko du epaimahaiak. Herritarren saria berriz, maiatzaren 1etik 6ra bitartean Instagram, Twitter eta Facebooeken ‘Atsegin dut’ gehien jasotzen dituen argazkiak eskuratuko du.

Irabazleen izenak maiatzaren 7an jakinaraziko dira eta sari banaketa maiatzaren 11n egingo den Mintzopotean egingo dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.