Banner en desktop Banner en moviles
Amorebieta-Etxanoko Udala
Durangoko Udala
Gure Psikologia Durango
Maristak Durango

“Gazteek euskara gero eta gehiago erabiltzen dute, eta helduon arteko erabilera errekuperatzen ari gara”

Urtzi Guruziaga.

“Euskaraldiarekin bat egin dugun zorno­tzarrok mila lagunen langa gainditzea lortu dugu”, azpimarratu du Zornotzan bizi eta Euskaraldiko lantaldeko kidea den Urtzi Guruziaga galdakoztarrak.

-Noiz hasi zineten presta­tzen Zornotzan Euskaraldiaren edizio hau?

-Batzordea hiru edo lau urte direla sortu zen lehenengo edizioa prestatzeko. Ni neu ez nintzen hasieratik egon lantaldean, nahiz eta Ahobizi moduan parte hartu nuen. Oraingo edizioa prestatzeko iazko maiatzean batu nintzen lantaldera eta ordutik gabiltza prestaketa lanetan, nahiz eta covid-19aren ondorioz arazotxoren batzuk izan ditugun.

-Osasun egoerak eragin zuzena izan du eta aurten gutxiago dira izen eman duten norbanakoak.

-Horrela da. Aurten ez dago aurreko edizioan egon zen beste giro; jendea hotzagoa dago, eta hori bizi dugun egoera arraroarengatik dela uste dugu. Aurrekoan hartu-emana errazagoa zen baina aurten jendearengana hurbiltzea gehiago kostatu zaigu. Hala ere, Euskaraldiarekin bat egin dugun zorno­tzarrok mila lagunen langa gainditzea lortu dugu, eta herritarren %5a erakartzea ez da gutxi.

-Gehienak Ahobizi rola hartuko dute, ezta?

-Helburuetariko bat Belarriprest asko erakartzea da baina, zoritxarrez, Zornotzan zein Euskal Herriko leku gehienetan, euskaldun zaharrak eman dute izena gehien bat eta Ahobizi rola aukeratu dute. Belarriprestaren rola, agian, estigmatizatuta dago, baina figura hori ez dagokie euskaldun berriei bakarrik; euskaraz ondo dakien euskaldun zahar batek, baina bere egunerokotasunean euskara erabiltzen ez duenak eta dinamika hori aldatzeko prest dagoenak, figura hori aukeratu dezake.

-Zornotzan Euskaraldiaren antolaketa taldean gazte gutxi ari zarete, ezta?

-Lantaldean hasi eta lehenengo batzarrera joan nintzenean sorpresatxo bat hartu nuen eta gaur egun gazteena neu naiz; eta 35 urte ditut. Ematen du gure belaunaldia ez dagoela prest gure gurasoenari erreleboa emateko. Baina horren salbuespen argiak daude, tarteko azaroaren 12tik 19ra bitartean euskara hutsean aritzeko Gaztealdia dinamikan parte hartu zuen Maialen Arteagarena. Orokorrean, hala ere, uste dut gazteek euskara gero eta gehiago erabiltzen dutela eta helduon kasuan lagun artean erabilera errekupera­tzen ari garela.

-Norbanakoen partaidetza bultzatzeaz gain aurtengo helburuetako bat elkarte, enpresa eta negozioetan ‘ariguneak’ sortzea da. Zenbat izango dira Zornotzan?

-Herriko 86 entitatetan ariguneak sortzea ez da gutxi. Batez ere kirol eta kultura taldeek eta enpresa zein negozio txikietan sortuko dira eta Aludium bezalako enpresa handietan ere izango dute arigune bat. Kasu batzuetan entitateen barruan sortu dira, beste batzuetan entitateetatik kanpora eta beste batzuetan barnean zein kanpoan.

-Egunero kultura agerraldi bat eskaintzen duen egitarau oparoa prestatu duzue eta gainera azken orduko beste ekitaldi bat gehitu duzue, ezta?

-Prestatu dugun egitarauko ekitaldiez gain bideo laburren lehiaketa bat antolatu dugu. Aurkezten diren lanak gehienez lau minutuko iraupena izan behar dute eta partaideek Euskaraldiaren inguruko gogoeten eta esperientzien berri eman behar dute. Jasotzen diren bideo guztiekin muntaketa bat egingo da eta Zornotzan ospatutako Euskaraldiaren korolario moduan eskainiko da. Gainera, bi edo hiru sari banatuko ditugu partaideen artean.

1 Estrella2 Estrellas3 Estrellas4 Estrellas5 Estrellas (Sin valoración)
Cargando...

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri


durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.

Leer más

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados