Gazte eta helduen ipuin, olerki eta bertso onenak sarituko ditu Julene Azpeitia Literatur lehiaketak

DurangoJulene Azpeitia2017Sarituak
Hiru sail eta hainbat mailako sortzaile onenen lanak sarituko ditu aurten ere Julene Azpeitia Lehiaketak.

Durangoko Udaleko Euskara sailak Julene Azpeitia Literatur Lehiaketaren 2018ko edizioa antolatu du eta, aurten ere, adin desberdineko ipuin, olerki eta bertso paper honenak sarituko ditu.  

Lehiaketa gaztetxoei, gazteei zein helduei zuzenduta dago eta adin talde bakoitzak ezaugarri eta sari desberdinak izango ditu. Edizio honetako partaideak, Durangoko eskoletako gazteak eta kanpoko eskoletan ari diren 18 urte arteko gazte durangarrak izan daitezke. 18 urtetik gorakoen mailan berriz, Durangoko zein kanpoko idazleentzat dago irekita.

Lehen Hezkuntzako 5. eta 6. mailakoek eta DBHko 1. eta 2. mailako parte hartzaileek, luzera desberdineko lanak aurkeztuko dituzte baina atal bakoitzeko irabazleak 100 euroko balioa duten liburu sortak jasoko dituzte.

DBHko 3. eta 4. mailako lehiakide onenek 150 euroko eskudirua jasoko dute atal bakoitzean eta Batxilergoko ikasleek 200 euro eskuratuko dituzte atal bakoitzean. 18 urtetik gorako ipuin onenaren egileak 600 euroko saria jasoko du eta olerki zein bertso paper onenen irabazleek 300 euroko sari bana jasoko dute.

Lehiaketara aurkeztu nahi diren lanak apirilaren 20a orduko eraman behar dira Durangoko Udaleko Euskara Sailera, Barrenkale 17ra, edo e-postaz bidali juleneazpeitia@durango.eus helbidera.

Irabazleen izenak maiatzaren 25ean emango dira ezagutzera eta sari banaketa ekainaren 3an egingo da Plateruena Kafe Antzokian. Saritutako lan guztiak Udaleko Euskara Sailak egingo duen liburuan argitaratuko dira.

 

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar