Gazetako Erregenak emango diote hasiera 2019ko jaien egutegiari

Andra Mari Baselizaren inguruan burutuko dira Gazetako Erregeenak.

Eskualdeko jaien egutegia Elorrioko Gazeta auzoko Erregenekin hasiko da aurten ere. Urtea amaitu aurretik auzoa txukuntzeko lanak eta txopoa jarri bazuten ere, ekitaldi gehienak Errege egunaren inguruan izango dira.

Barikuan, iluntzeko 20:30etatik aurrera, jokatuko den XLIV. mus-tute txapelketarekin abiatuko dira aurtengo ospakizunak. Zapatuko egitaraua goizeko 10:00etan hasiko da Intxortara egingo den igoerarekin eta jarraian egongo den txorizo eta salda dastatzearekin. Iluntzean afariak emango dira eta 22:30etatik aurrera Luhartz taldeak girotutako erromeria egongo da. Goizaldean, berakatz-zopa eta txokolatea dastatzeko aukera egongo da.

Erregeen eguneko egitaraua 11:30ean emango den mezarekin hasiko da eta egun guztian trikitilariek girotuko dute auzoa. Eguerdian, Besaide dantza taldearen agerraldia egongo da eta saioa amaitzen denean Arria V.ak, Larrañagak, Mendietak, Bihurrik eta Ostolaza aita-alabak herri-kirolen erakusketa eskainiko dute. Arratsaldean, umeen jolasak egongo dira 18:00etatik aurrera.

Astelehenean elizkizuna egongo da 11:30ean eta ordu bete geroago XLIV. briska txapelketa hasiko da.

Aurtengo ospakizunak hurrengo zapatuan, hilak 12, egingo den auzo afariarekin amaituko dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.