Futbol entrenatzaileak euskaraz trebatzeko eskola antolatu dute Durangaldean

Durangaldeko futbol taldeak euskalduntzeko helburuarekin egitasmo berri bat jarriko da martxan eskualdean. Talderik gazteenetako entrenatzaileei futbol entrenamenduen inguruko formakuntza teoriko eta praktikoa ematea da asmoa, formakuntza hori euskaraz eta euskararen erabilerara bideratutako izango denaren berezitasunarekin. “Entrenatzaile taldeak euskalduntzea eta euskara esparru informaletan ere sustatzea da helburua”, aitortu du Koikili Lertxundi, Athletickeko jokalaria eta egistasmoaren gidariak.

Futbola eta euskara uztartzen dituen egitasmoak, kirola eta aisialdia euskalduntzeko urratsa izan nahi du. Durangoko Merinaldearen Amankomunazgoa eta eskualdeko hamar Udal dira egistamoaren antolatzaileak, Berbaro Elkartearen laguntzarekin.

Aurkezpenan Itzarri Aholkularitzarako zuzendaria eta kidea dena, Koikili Lertxundik adierazi duenez, zortzi hilabeteko luzeera izango du egitasmoak eta hiru fasetan bananduta izango da. Egitasmoan 20 bat entrenatzaile parte hartuko dute lehenengoz. Saio teorikoak apirila eta ekaina bitartean gauzatuko dira Durangoko Behargintzako eraikinean, eta bi orduko 12 saio burutuko dira.

Saio praktikoak, berriz, irailetik urrira arte gauzatuko dira, denboraldia hasten den garaian futbol- zelaietan. Hurrengo fasea, ordea,proiektuaren eragina neurtzeko jarraipen eta kontrola egitearena izango da. Fase honetan, Berbaro Elkartearen laguntzarekin gauzatuko da. Gainera, Durangaldeko Athleticen jokalariek parte hartuko dute poriektuan, egitasmoaren gidariek aurreratu duten bezala.

Lertxundik azaldu duenez, egistasmoak “Futbola, oinarritik Euskaraz” liburua izango du lagungarri moduan, “saioak euskaraz planifikatzeko”.

“Krisia medio, proiektuak eta zerbitzuak amankomunetaratzea izango da hurrengo urteetako erronka”, azaldu Oskar Zarrabeitia, Mankomunitateko Euskara Batzordeko presidenteak.

DURANGON. Durangoko albisteak