Eurek idatzitako testuak irakurriko dituzte 20 sortzailek aurtengo ‘Hitzez eta Ahotsez’en amaieran

Literatura zale ugarik jarraitu zuten iazko irakurraldia. (Argazkia: Rai Bikandi)

Literatura sustatu, arte honetara jendea erakarri eta euskal zaletasuna bultzatzeko helburua duen ‘Hitzez eta Ahotsez’ ekimena Plateruena Kafe Antzokian barikuan egingo den irakurraldi publikoarekin amaituko da. Ekitaldia arratsaldeko 18:00etan hasiko da eta gauerdira arte jarraituko du etenaldirik barik.

Amaitzear dagoen laugarren edizioaren gaia ‘Bidaia’ da eta ekimena agurtuko duen saioan banaka zein taldeka eskainiko diren 260 agerraldi tartekatuko dira. Partaide bakoitzaren emanaldiak bi minutuko iraupena izango du gehienez eta aukeratutako testua irakurrita emango dutenekin batera pasarteak abestuta, antzeztuta, dantzatuta edo margotuta eskainiko dituztenen saioak tartekatuko dira.

Agertokian azalduko direnen artean “eurek idatzitako 20 sortzaile inguru” izango direla adierazi dute antolatzaileek. Gainontzeko partaideek, Joseba Sarrionandia, Gabriel Aresti, Miren Agun Meabe, Leire Bilbao, Felipe Juaristi, Pako Aristi, Kirmen Uribe edo Patxi Zubizarretak, besteak beste, idatzitako obretatik aukeratutako pasarteak eskainiko dituzte.

Aurten ere Durango eta Durangaldeko herrietatik gerturatutako irakurleekin batera, Bilbotik, Gasteiztik edo Iparraldetik etorritako partaidek espero dituzte antolatzaileek.

‘Hitzez eta Ahotsez’ ekimenaren laugarren edizioa otsailaren 10ean hasi zen Miren Agur Meabek ‘Identitate poetiko bat norabide’ izenburua izan zuen hitzaldiarekin. Martxoan eta apirilean berriz, tertulia dialogikoak hartu zuten protagonismoa.

Laugarren edizioan Anbotora, Kubara,SPra zein barne bidaiak izan badute protagonismoa, ‘Joseba Sarrionandia’ (2014), ‘Itsasoa’ (2015) eta ‘Durangaldeko idazleak’ (2016) izan dira aurreko edizioetako ardatzak.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.