“Eukaristia ebanjelioetan” liburua argitaratu dute

Aspaldi eta urtero, Tabira eskualdeak Garizuma aldian hitzaldi sorta bat eratzen dau Durangaldeko jendeari begira. Jardunaldion laburpenagaz osaturik dator “Eukaristia ebanjelioetan” izeneko liburutxo hau, Uribarriko Andra Mari Elizak argitara emoten dauan “sakontzen” sortako 11. liburua hain zuzen ere. Parroki honek aldi berean “otoitzean” sorta ere argitara emoten dau, orain arte 26 liburu kaleratu dituelarik. Durangaldeko parrokietan aurkitu daiteke azken liburu hau hiru eurotan.

Liburuxka honek, lehenengo eta behin, Durangoko jesuiten Arrupe izeneko aretoan emon ziran hitzaldien kronika labur eta bizi bat dakar, aurtengo, 2010.eko garizuma honetan ospatu diran hitzaldion gainean. Bigarren tokian ???eukaristiari buruzko hiru gogoeta??? datoz, eskualdeko abade diren Xabier Eskauriatza, Esteban Orbe eta Jesus Mari Zendoiak prestaturik.

Azken puntua, beti lez indartsu eta interesgarri, Jose Antonio Badiola doktoreak bialdu dauskun bere ponentziaren laburpena dogu: ???Eukaristia ebanjelioetan ???. Gure eskerrik beroenak berari. Esku artean euskeraz irakurri daikezu gogoeta hau Jesus Mari Agirre jaunaren lan txukunari esker.

Eskerrak, era berean, Iker Barrutietaren maisu lan eskuzabalari, berak egindako argazkiek hornitzen dabe-eta lantxo hau.

Gaiok astiro eta taldean irakurriz, hobeto ospatuko dogu gure fedea, bizitzagaz lotu, eta pausu sendo bezain erabakigarriak emongo ditugu gure eskualdean ADAP izeneko abade bako ospakizunak martxan ipintzen.

Gure liburuak ezagutzeko: http://sites.google.com/site/otoitzean/

Tabira eliza.