Eskualdeko sortzaileek Durangoko Azokako online dendan saltzen duten %100a jasoko dute

55. Durangoko Azoka osasun-krisiak baldintzatutako edizioa izango dela eta aldaketa ugari izango ditu, aipagarriena saltoki fisikorik ez dela jarriko Landako Gunean eta salerosketak online bakarrik egingo direla.

Hori dela eta Gerediaga Elkarteak eta Durangoko Amankomunazgoak hitzarmena sinatu dute Durangaldeko sortzaile, argitaletxe, diskoetxe, ekoizpen enpresa, banatzaile edo erakundeek saltzen dutenaren %100 jasoko dute. Eskualdekoak ez direnei berriz, saldutakoaren %12a kobratuko zaie kudeaketa eta logistika gastuengatik.

Eskaintza honekin baliatzeko ezinbestekoa da helbide fiskala Durangaldeko herriren baten izatea, hau da, Abadiñon, Atxondon, Durangon, Elorrion, Garain, Iurretan, Izurtzan, Mañarian edo Zaldibarren. Halaber, beharrezkoa izango da Azokako araudia betetzea, hots, produktua euskarazkoa izatea edo euskal gaiak jorratzea.

Durangaldeko argitalpenak

Aurreko edizioetan, Gerediagaren eta Amankomunazgoaren elkarlanari esker, ‘Durangaldeko argitalpenak’ erakusmahaian saldu ahal izan dituzte euren ekoizpenak eskualdeko sortzaileek. Hitzarmen horri esker sortzaileek ez zuten erakusmaharik alokatzeko beharrik euren produktuak saltzeko.

Abenduaren 4tik 8ra bitartean egingo den Durangoko Azokan ez da erakusmahairik egongo eta horren ordez www.durangokoazoka.eus webgunean egongo den denda birtuala sortuko da. Hau da, Landako Gunearen leku fisikoa euskal kulturaren plaza digital erraldoiak hartuko du.

Izena emateko gerediaga@durangokoazoka.eus helbidera idatzi edo 94 681 8066 telefono zenbakira deitu beharko da, produktuaren nondik norakoak azalduz, azaroaren 2a baino lehen.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.