Erretzeari uzteko kurtso bi antolatu ditu Amankomunazgoak

Durangaldeko Amankomunazgoaren Adikzioen Prebentziorako Zerbitzuak erretzeari uzteko kurtso berri bi antolatu ditu azarorako, bata goizez eta bestea arratsaldez. Ikastaroak bederatzi saiotan burutuko dira eta talde bakoitzak 15 edo 20 pertsonen kopurua izango du.

Kurtsoak azaroan hasiko dira, bata goizez, 10:00etatik 11:30etara, eta bestea arratsaldez, 18:30etik 20:00etara. Saio bakoitzak 60-90 minutuko iraupena izango du eta astero bilduko den taldea aditu batek gidatuko du. Kurtsoa amaitu ostean, bederatzi saioak egin eta gero, jarraipen bilera bat egingo da hiru hilabetera.

Kurtsoak dohainik izango dira. Lehenengo egunean joatea derrigorrezkoa da eta, ezinbesteko arrazoi bategatik ez bada, joaten ez diren pertsonei baja emango zaie.

Eskatzen den baldintza bakarra “tabakoari uzteko benetan konbentzitua egotea da” azaldu dute Amankomunazgoko zerbitzutik.

Interesatuek informazio gehiago eskatu edo izena eman dezakete Adikzioen Prebentzioarako Zerbitzuan (Durangoko Askatasun Etorbidean 11, behean),  94 620 05 20 telefonora deituz edo email bat bidaliz  prevencion.mdurango@bizkaia.org helbidera.