Eguzki-panelekin lortutako argindarrarekin hornituko dira Mañariko lau eraikin publiko

Frontoiko teilatuan jarriko diren eguzki-plakak eraikin hori, udaletxea, haur-eskola eta mediku etxea argindarrez hornituko dituzte.

Mañariko Udalak 14.810 euro inbertituko ditu frontoiko teilatuan 18 plaka fotovoltaiko jartzeko eta bertatik lortutako argindarrarekin haur-eskola, udaletxea, mediku etxea eta frontoia elektrizitatez hornituko ditu. Egitasmo horrekin “urtean 1.300 euro baino gehiago aurreztuko dira”, Ainara Otxotorena Mañariko alkatearen esanetan.

Aste batzuk barru jarriko diren plaka horretatik lortutako eguzki energia pilotaleku barruan ezarriko den sarera konektatuko da eta instalazio horretatik ahalik eta autohornidura-mailarik altuena lortu nahi dute, “modu horretan kanpoko energia-kontsumoa murrizte aldera”.

Egitasmoa gauzatzeko Goiener Taldeko Nafarkoop gizarte ekimeneko kooperatibak egindako ikerketarekin baliatu dira, eta Bikote Solar enpresak 7,2 kwp FV moduluak instalatuko ditu. Jarriko diren 18 panel fotovoltaikoek 8054kW sortzeko ahalmena dute, hornidurek kontsumitzen duten %35a hain zuzen.

Mañariko Udalak esleipen bidez eman du kontratua eta proiektua gauzatzeko Bizkaiko Foru Aldundiaren laguntza jaso du; zehazki, udalei eta mankomunitateei klima-aldaketaren arloko jarduketetarako ematen dituen diru-laguntzetatik.

“Instalakuntza hau eginez, onurak egongo dira ingurumenean eta gizartean, murriztu egingo direlako igorpen kutsatzaileak”, Otxotorenaren arabera. Horrez gain, energia propioa sortuko da, lokalki eta modu banatuan, eta egungo esparru juridikoarekin bat egingo da.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.