Durango eta Zornotzako hainbat eragile greba feministarako ate joka

Martxoaren 8a ate joka dugun honetan, Durangoko eta Zornotzako hainbat eragilek greba feministarekin bat egin dute. Egitarauak prest daude eta kaleak pankartaz betetzen hasi dira.

Durangoko emakume pentsionistek besoko more, txapa eta eskuorridun mahaia jarri dute asteburuan, eta hauekin eta beste askorekin batera, liburutegiko, Plateruenako, Berbaroko eta Dendak Bai Merkatari Elkarteko emakumeak batu dira grebara.

Emakumeen egun handiari gauerdian emango zaio hasiera Durangon, mural baten pintada eta kazeroladarekin. Egun osoko egitarauaren ondoren, 19:00etan egingo da ohiko manifestazioa. Ostean, grebako itxiera festa ospatuko da.

Kafe tertulia eta tailerrak

Zornotzako emakumeak, aldiz, goizeko 8:30ean batuko dira Zelaieta parkean greba feministari hasiera emateko. Bertatik hasita, herria kalejiran apainduko dute eta ondoren, Zelaietako karpan kafe tertulia eta tailerrak egingo dituzte.

Eguerdian kontzentrazioa egingo dute Patatan eta 14:30etarako bazkari autogestionatua prestatu dute Zelaietako karpan. Bazkaldu eta gero, kantaldia eta tailerrak egongo dira. Grebari amaiera emateko festa baino lehen, manifestazioa eta ekitaldia egingo dituzte 19:30ean. Zornotzako merkartariek ere grebarekin bat egin dute, herriko beste arlotako eragile askoren artean.

Grebaren azken prestaketei begira, gaur eta eguenean batuko dira emakume zornotzarrak pankartak eta kartel pegada egin eta txapak banatzeko.

#Durango-ko hainbat arlotako eragileak #M8GrebaFeminista-rako ate joka.@MBizkaia @M8EuskalHerria pic.twitter.com/kb5WO9lUtT

— Emakumeok* planto Durangon! (@M8Durango) 3 de marzo de 2019

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.