Durangaldeko gazteen lanak biltzen dituen ‘Berbaz’ aldizkaria argitaratu du Sorginolako Ateneoak

BerbazSalmentaPostua
Berriro ere jarriko dute kalean ‘Berbaz’ aldizkaria saltzeko postutxoa.

Durangoko Tabira auzoan dagoen Sorginola gaztetxearen 3. urteurrenarekin bat, eraikinean dagoen Ateneotik sortutako ‘Berbaz’ aldizkari literarioaren lehen zenbakia aurkeztu zuten eragileek. Durangaldeko gazteen lanekin ekoiztutako errebistak, “gazteon artean kultura bultzatzeko” asmoa duela azpimarratzen dute sortzaileek.

Literaturak berebiziko garrantzia hartzen du ‘Berbaz’en lehen zenbakian. Ale bakoitzak dituen 30 orrialdeetan zenbait gaztek idatzitako poema, ipuin labur, hausnarketa eta bestelako formatuetan bidalitako lanak tartekatzen dira. Horrekin batera, apirilaren 21ean burututako ‘24 ordu paperean’ jolas literarioan jasotako lanak ere bildu dituzte. Ekimen honetan parte hartu zuten sortzaileei gaia (‘iparra’) eta hitza (‘kea’) eman ondoren lan literario labur bat landu behar zuten.

Sorkuntza

Literaturatik aparte, bestelako zenbait alderdi ere tartekatu nahi izan dituzte “kulturaren eta sorkuntzaren aniztasuna azpimarratu nahian”, eragileen arabera. Izan ere, aldizkariaren lehen zenbakian musikari, arteari edota antzerkiari ere lekua egin diote, elkarrizketak, iritzi artikuluak eta bestelako formatuak erabilita.

‘Berbaz’ aldizkariaren aurkezpena Fundifest jaialdiaren baitan egin bazuten ekainaren 29an, argitaratutako aleak joan den asteburuan jarri zituzten salgai 2 euroren truke. Editatutako aleak, Goienkalen kokatutako postutxoan eskaini zituzten eta ordutik Hitz liburu-dendan zein Intxaurre kultur elkartean eskuratu daitezke.

Aurki Durangaldeko beste herri batzuetako gaztetxeetan ere salgai jarriko dituzte aleak eta kalean ere egun gehiagotan ipiniko dute postutxoa, horren berri Instagram zein Facebook sare sozialetan emango dutela.

Aldizkaria sarean ere aurkitu daiteke, http://joom.ag/zzwY linkean.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar