Daghestango taldea izango da Nazioarteko Folklore Jaialdian

Kaukasoko Daghestan errepublikako eta Euskal Herriko dantzak ikusteko aukera izango da gaur Durangon. Kriskitin Dantza Taldeak antolatuta, Nazioarteko Folklore Jaialdia ospatuko da Andra Mariko elizpean gaueko 22:30ean.

Daghestaneko Lezginka taldeari dagokionez, bere izenak Kaukasoaren sinboloetakoa den dantza tenperamentala eta hunkigarria adierazten du. Lezginka dantzatzea, oinetako behatzen gainean, eta burua tente, harrotasunez, Kaukasoko jendearen izpiritua adierazteko, ohore handia da dantzariarentzat.

Lezginka ez da ustekabean Dagestango Errepublikako koreografia-talderik ospetsuenetako baten izena. Taldearen errepertorioko koreografia gehienak Kaukasoko folklorean duten oinarria. Koreografia bakoitza ez da, baina, herri-dantzen kopia hutsa, bai, ordea, historiaren zati bat.

Beraz, “Lezginka” dantza tradizional eta hunkigarri baten izena da, eta baita Kaukasoko biztanleen ikurretako bat. Igor Moiseyev-ek zuzenduriko Estatuko Folklore Akademiako bakarlari izandako Tamkho Izrailov-ek sortu zuen dantza taldea, duela 50 urte

Bestalde, Kriskitin Dantza Taldeak hogei urtetik gora daramatza martxan eta bere ibilbidean zehar hainbat plazatan izan da; herrian, eskualdean, zein atzerrian; Frantzian, Grezian, Bulgarian, Lituanian??? Baita Ameriketako Idahon ere. Kriskitinen helburuetariko bat Euskal Herriko geure folklorea munduan zehar erakustea, eta kanpokoa Durangora ekartzea izan da aspaldiko urteotan. Ildo horri jarraituz antolatzen du Nazioarteko Folklore jaialdi hau, eta bide hori jorratuz hartu du parte Italian oraintsu ospatu den Europeade jaialdian ere.

Jaialdia Andra Mariko elizpean ospatuko da gaueko 22:30ean eta Felix Arkarazo aktorea izango da ikuskizunaren aurkezlea.

DURANGON. Durangoko albisteak