Bizkarra bigarren eta Romero hirugarren, Bizkaiko Bertsolari Txapelketako lehen saioan

Udabarriko Faseko lehen saioan lehiatu ziren Aitor Bizkarra eta Beñat Romero. (Argazkiak: Bizkaiko Bertsozale Elkartea)

Bizkaiko Bertsolari Txapelketako Udabarriko Faseko lehen saioa jokatu zen igandean Berrizko Kultur Etxean eta bertan izan ziren eskualdeko bi ordezkariek, Aitor Bizkarra abadiñarra eta Beñat Romero zornotzarra, bigarren eta hirugarren sailkatu ziren hurrenez hurren.

Bete egin zen aretoan jokatutako lehen saioko irabazlea Leioako Peru Vidal izan zen, eginbeharreko lana amaitu ondoren 178,25 puntu lortu baitzituen. Bizkarra berriz puntu eta erdira sailkatu zen, 176,75 puntu metatu eta gero, eta Romero zornotzarrak 163 punturekin eskuratu zuen hirugarren postua.

Lander Ibarluzea ‘Aitxulua’ (159,5), Mikel Galartza (146,25) eta Iñaki Lersundi (130) sailkatu ziren ondoren.

Bizkaiko Txapelketako bigarren jardunaldia datorren domekan izango da Bermeon eta bertako Kafe Antzokiko agertokian Aitor Arrutia, Ander Elortegi, Dani de Miguel, Imanol Arrutia, Jone Larrinaga eta Julen Ibarguengoitia lehiatuko dira.

Eskualdeko beste sei ordezkariak

Ondorengo saioak Erandion, Ondarroan (apirilaren 24an, Beikozini Antzokian, Txaber Altube abadiñarra eta Peio Azkarate durangarraren partaidetzarekin), Derion (apirilaren 30ean, Gurea Aretoan, Xabier Irakulis zornotzarraren partaidetzarekin), Gueñesen, Orozkon (maiatzaren 8an, Donibane Aretoan, Garikoitz Sarriugarte zaldibartarra lehiatuko dela), Arrigorriagan (maiatzaren 14an, Lonbo Aretoan, Igor Galartza abadiñarra eta Ander Aldazabal zornotzarraren partaidetzarekin) eta Getxon izango direla.

Udazkenean jokatuko da bigarren fasea eta bertan 30 bertsolari arituko dira guztira, tarteko 2014an jokatu zen azken edizioko finalistak zein noizbait finalista izandakoak. Beraz, Udabarriko Fasean lehiatu eta Udazkeneko Faserako sailkatuko diren bertsolarien izena ez da jakingo azken unera arte.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.