Bertan behera utzi dute Elorrio eta Arrasateko Udalek Kanpazarren ospatzen zuten San Inazio eguna

KanpanzarEguna2018
San Inazio eguna aurreratzea erabaki zuten iaz Elorrioko eta Arrasteko Udalek.

Elorrio eta Arrasate artean dagoen Kanpanzar gainean urteetan ospatu den San Inazio eguna, bertan behera uztea erabaki dute azken urteetan elkarlanean antolatu duten herri bietako Udalek. Elorrioko Udaletik bidalitako oharraren arabera, “pena handiz” hartutako erabakia bada ere, “2019an San Inazio eguneko ekitaldi instituzionalak ez ospatzea” adostu dute.

San Inazio eguna, uztailaren 31n egiten zen ohitura zaharreko jaia zen. Egun horretako ekitaldiak “gero eta arrakasta txikiagoa izan dute, herritarren parte hartze aldetik, oporren atariko egun hori kanporako bidaiak luzatzeko erabiltzen delako”, adierazi dute Udaleko arduradunek.

Hori dela eta, tradizioari eusteko eta ospakizuna berrindartzeko asmoarekin, data berri bat adostu zuten iaz Udal bietako alkateek. Jaia, uztaileko bigarren asteburura pasatu zuten, baina “saiakera honek ere, ez zuen arrakastarik izan”.

Kanpazarreko San Inazio eguna mugakideak diren bi herrien arteko ospakizuna zen garai baten. “Antzinako alkateen arteko doke txapelketaren bitartez eszenara eramaten zen ohikoa den auzokide diren herrien arteko lehiakortasuna”, Elorrioko Udaletik adierazi dutenez. “Horrez gain, mugarrien ibilbidetxoa ere egiten zen, beste herri batzuetan egiten den eran” eta eguneko egitaraua jaigiroan osotzen zen bazkaria eta erromeriarekin.

Ospakizunik ez badago ere, Elorrioko txirrindulariek San Inazio egunean egiten duten Kanpanzarreko igoera mantenduko dute.

Durangon Whatsapp
1 Estrella2 Estrellas3 Estrellas4 Estrellas5 Estrellas (Sin valoración)
Cargando…

Deja una Respuesta

Tu dirección de correo electrónico no será publicada. Los campos obligatorios están marcados con *

*

Artículos Relacionados

Utilizamos cookies propias y de terceros para mejorar nuestros servicios. Más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar