Berdintasunaren arloan Perun eta Guatemalan diharduten hainbat ordezkarik Elorrio bisitatu dute

Idoia Buruaga Elorrioko alkateak egin zien harrea Guatemala eta Perutik etorritako ordezkariei.

Guatemalan eta Perun Berdintasunaren arloan diharduten hainbat ordezkarik Elorrio bisitatu dute aste honetan. Bisitariek arlo horretan eta Indarkeriaren Aurka Elorrion eta Durangaldean egiten den lanketa ezagutzeko aukera izan dute.

Guatemalako AMLUDI Emakume Elkarteko kideek zein Elorrioko Udaleko ordezkariek elkarri eskertu zioten azken asteotan izandako bizipen eta jasotako ezagutza berriengatik. Asteazkenean egindako bisitaldian Idoia Buruaga alkateak eman zien ongi etorria.

Ekitaldian, Indarkeriaren Aurkako Durangaldeko Protokoloaren nondik-norakoak ezagutu ahal izan zuten Guatemala eta Perutik etorritako ordezkariek. Ekimen horren azalpenak eskualdeko hainbat berdintasun teknikari eta Mankomunitateko langileek eman zituzten.

Durangaldeko ordezkariek ere AMLUDI elkarteak orain arte izan duen esperientzia ezagutzeko aukera izan dute. Ondoren, eguerdi aldera, Elorrioko eskoletara bisita egin zuten, horietan hezkidetza nola lantzen den ezagutu asmoz.

Arratsaldean, Elorrion bisita gidatua egin ostean, herriko Emakume Elkarteekin esperientzia elkar trukaketa egin zuten udaletxean. Bertan, Aratxu Uriarte Berdintasun zinegotziaz gain, Elorri Lore, Lilika, Alargunen taldea eta Bilgune Feministako kideekin bildu ziren.

Duela aste batzuk, Elorrioko Berdintasun teknikariak Guatemalako hainbat toki bisitatu zituen Euskal Herritik joandako ordezkaritza batekin.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.