Argiñetan egindako indusketan aurkitutako ‘Aczenari’ hilarria jarri du ikusgai Arkeologi Museoak

Bilboko Arkeologi Museoak Elorrioko Argiñeta parajean aurkitutako ‘Aczenari’ izena agerian duen hilarria jari du ikusgai urriaren 13ra arte. Harrizko pieza hori 2012tik 2014ra bitartean San Adrian ermitaren alboan egin ziren indusketetan aurkitu zuten.

Arkeologi Museoak egindako lanetan agertutako ‘Aczenari’ pieza, lurpean egindako ikerketan topatu zuten, hilobi baten hain zuzen. Burututako indusketa horrek “aztarnategiaren ezaguera historikoan sakontzeko” helburua zuen, museoko arduradunen esanetan.

Argiñetako San Adrian ermitaren aurrealdean estela eta sarkofago ezberdinak bildu ziren XVII. mendeaz geroztik, gaur egun ezagutzen den nekropolia osatuz. 2012tik 2014ra egindako indusketa berriz, baselizaren albo bateko lursailan egin zen.

‘Aczenari’ hilarria ezagutzeko helburuarekin bisita gidatuak antolatu ditu Bilboko Arkeologi Museoak, Bisitaldiak asteburuero egingo dira urriaren 13ra arte, zapatuetan 13:15ean eta 18:15ean eta domeketan 13:15ean. Betaratzen direnek “Argiñetako aztarnategiaren edo indusketaren inguruko informazioa” jasoko dute, museoaren arduradunen esanetan “asko baitaukagu kontatzeko”.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.