Araba, Gipuzkoa eta Bizkaiko txistulariak izango dira bihar Zornotzako Txistu Egunean

AmorebietaTxistuEguna2016 — Herrian zehar egingo dituzten kalejiren ostean kontzertua emango dute Herriko plazan.

Zornotzako Udazken Txistu Taldeak herrian ospatuko den XVII. Txistu Eguna antolatu du bihar arratsalderako eta herriko musikariekin batera Eibar, Gasteiz, Bermeo, Durangalde eta Sestaotik gertutratutako txistulariak hartuko dute parte. Herrian zehar egingo dituzten kalejiren ostean, kontzertua eskainiko dute Herriko plazan iluntzeko 20:00etan.

Txistua “herriko bizitzan uztartzeko” eta “zabalkundearen alde” lan egiten duen Udazken Txistulari Taldeak antolatutako ekimenak, Eibarko Usartza, Gasteizko Adurtza, Bermeoko Kankinkabara, Durangaldeko Jaizale eta Sestaoko Salleko Danbolinteruek taldeak bilduko ditu.

Eguneko egitaraua arratsaldeko 17:00etan hasiko da txistu taldeek herriko alderdi ezberdinetatik egingo dituzten kalejirekin. Partaideek herriko erdigunean, Ogenbarrenan, Ganen, Ixerren, Sabino Aranan, Zubibitarten, Zubipunten, Vivendas de Vizcaya-n, San Juanen, Santa Anan eta Andrandin zehar ibiliko dira.

Ordu bete geroago, talde guztiak batu eta kalejira egingo dute Zelaieta Zentrotik abiatuta, txistu saioak eskainiz Gernikako Arbola enparantzan, auzoko jaiak ospatzen dituen Ogenbarrenan (18:45ean), Euskalerria enparantzan , Kalbarioan zein Harrison parkean. Iluntzeko 20:00etan kontzertua emango dute Herriko plazan.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.