Ahotsenea, euskarazko sortzaileen lan berriak zuzenean ezagutzeko gunea

Hirugarrenez Ahotsenena gunea zabaldu da Durangoko Liburu eta Disko Azokan. Bertan, euskarazko sortzaileen lan berriak ezagutzeko aukera emango du urtez urte sendotzen doan gune honek. Sortzaileen eta zaleen elkargune izateko asmoarekin jaio da Ahotsenean eta aurten 76 aurkezpen izango dira bertan. ???Azokaren arnasa izan nahi du???, azaldu dute egitasmoaren bultzatzaileek.

 Landakogune alboko karpa zurian kokatuta dago Ahotsenea. Euskarazko sortzaileen eta zaleen arteko hartu- emonak bultzatzea nahi du.???Euskarazko muskariek eta idaleek 2010eko lanak zuzenean aurkezteko plaza edo gunea da???, azaldu du Gotzon Barandiaran, idazlea eta egitasmoaren arduradunak.

Goizeko 10.30ean hasi eta ordu erdiro kultur saioak eskainiko dituzte Ahotsenean. Guztira  76 aurkezpen izango dira asteazkenera arte, euskarazko liburuen eta disken, musikari zein idazleekin solasaldiak, irakurketak eta musika emanaldiaz beteriko egitarau zabal batean. ???Aurtengo udagoieneko nobedade gehienak hemen aurkitzeko aukera izango da, zuzenean, irakurle eta entzuleei zuzenduta???, esan dute.

Aurtengo eskariaren artean Gose, Txuma Murugarren eta Rafa Rueda ez dira faltako gaur Ahotsenean. Bihar, berriz, Ken Zazpi, Xabier Amuriza, Asel Luzarragak lanak aurkeztuko dituzte, besteak beste. Abenduaren 8rako Gabitu taldearen, Patxi Zubizarreta edo Jon Enbeitaren lanak ikusgai egongo dira. ???Aukera ezin hobea da produktuak erosi aurretik ikusi edo ezagutzeko???, azaldu du Barandiaranek.

Ahotsenea Gerediaga Elkarterekin elkarlanean gauzatu den proiektua da. ???Sortzaile bakoitzak erabakitzen du aurkezpena zelan antolatu. Batzuk zuzeneko emanaldia, beste batzuek solasaldian. Gainera sofa batzuk jarri ditugu aurten???, azpimarratu du Barandiaranek.

Sortzailearen eta zaleen arteko harremanak sendotzeko, ???komentarioak, galderak, kritikak, zalantzak egiteko aukera izango da???, gogoratu duten bezala.

Xabier Leteren heriotzaren haritik, Edorta Jimenez idazleak Leteren azkeneko liburutik poema bat irakurriz amaitu zuen Ahotsenearen aurkezpena.

DURANGON. Azokako albisteak