200 dantzari inguru bilduko dira domekan Elorrioko Euskal Jaian

Elorrioko Besaide Dantza Taldeak antolatutako Euskal Jaia ospatuko da domekan Elorrion eta ekimenean eskualdetik gerturatutako zein herriko bertako 200 dantzari inguruk parte hartuko du. Prestatutako egitarauan goizeko kalejira eta arratsaldeko alardea nabarmenduko dira.

Euskal Jaira Abadiñoko Talde Batuak, Berrizko San Lorentzo eta Iremiñe, Durangoko Tronperri eta Txoritxu Alai eta Mañariko Andra Mari taldeetako dantzari eta txistulariek gerturatuko dira. Beraiekin batera, Betsaide Dantza Taldeko 60 bat ume, txistulariek eta plaza dantzak lantzen dituen taldea ere egongo dira.

Eguneko egitaraua 11:00ak aldera hasiko da, ekimenean parte hartuko duten taldeek frontoian elkartzen direnean. Eguerdian kalejira bat egongo da eta 13:00ak aldera kanpotik etorritako umeek herriko familietan banatuko dira elkarrekin bazkaltzeko. Ondoren, trikipoteoa egingo dute arduradunek.

Arratsaldeko 16:30ean herriko plazan bilduko dira dantzari guztiak, edo kiroldegian eguraldi txarra eginez gero. Ordu erdi geroago partaideen dantza alardea hasiko da eta ekitaldian dantzari dantza zein nesken eta umeen ohiko dantzak tartekatuko dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.