12 bertsolari izango dira Mekoletan Durangaldeko Kopla txapelketan

Otxandioko Mekoletan auzoko jaiak ospatuko dituzte gaurtik domekara bitartean eta ospakizunetako osagai nagusiak musika eta bertsolaritza izango dira.

Ekitaldiak iluntzeko bederatzietan hasiko dira, ordu horretan piztuko baita txupina eta ondoren izango den herriko afaria hasiko da. 23:30ean Liher eta Larregi musika taldeek eskainitako kontzertua eta jarraian egongo den Dj baten ekitaldiak osatuko dute eguneko egitaraua

Bihar arratsaldean jarraituko dute ospakizunak Urduri dantza taldeak 17:30etatik aurrera eskainiko duen ekitaldiarekin. Ordu bete geroago ‘Ipui katramilatua’ ikuskizuna taularatuko du Ikusi makusi taldeak eta zortzietan Xabi eta Josebak girotutako triki-burduntzia egongo da.

IV. Kopla Txapelketa

Eskualdeko hamabi bertsolari bilduko dituen Durangaldeko IV. Kopla Txapelketa gaueko hamarretan hasiko da. Agertokian azalduko diren lehiakideak Eneko Abasolo ‘Abarkas’, Txaber Altube, Ander Aldazabal, Iruri Altzerreka, Miren Amuriza, Iker Apraiz, Eneko Barruetabeña, Igor Elortza, Aitor Esteban, Igor Galartza eta Manu Goiogana izango dira.

Durangaldeko bertso eskolak eta Arkotxe Kultur Elkarteak antolatutako ekitaldian Xabi Aburruzaga eta Josu Zabala soinujoleak arituko dira eta gai-jartzaileak Itxaro Juaristi eta Ainhoa Urien izango dira. Ekitaldia doakoa izango da eta amaieran Txapito Guzman eta Ibarrako langostinuek taldearen saioa hasiko da.

Mekoletako jaiak etzi amaituko dira. Goizeko 9:00etan San Bernabera igotzeko ibilaldia abiatuko da; 13:00etan Meza eta luntxa egongo dira eta arratsaldeko 17:30ean briska eta mus txapelketak hasiko dira.

durangon.com webguneak ez du uzten gorrotoa, mespretxua edo diskriminazioa sustatzen duten edukiak argitaratzen, jaiotza, arraza, sexu, erlijio, nazionalitate, iritzi edo bestelako inguruabar pertsonal edo sozialengatik.

Izen propioei erreferentzia egiten dieten eta ohorerako eta intimitaterako eskubidearen aurkako iruzkinak ezabatuko dira. Irain eta iruzkin guztiak ere zuzenean ezabatuko ditugu, baldin eta iraingarriak, kalumniatzaileak edo indarreko legeria hausten badute.

Gehiago irakurri

durangon.com no permite la publicación de contenidos que de forma manifiesta fomenten el odio, el desprecio o la discriminación por motivos de nacimiento, raza, sexo, religión, nacionalidad, opinión o cualquier otra circunstancia personal o social.

Se eliminarán todos los comentarios que hagan referencia a nombres propios y atenten contra el derecho al honor y a la intimidad. También borraremos directamente todos los insultos y los comentarios que puedan resultar injuriosos, calumniadores o que infrinjan la legislación vigente.